کەمپینی (پەرەپێدانی کتێبخانەی زانکۆ)

بەر لە هەرشتێک بەپێویستی ئەزانم ئیشارە بە ڕاستیەک بکەم، ئەویش ئەوەیە کە لەگەڵ ئەوەشدا بەشەریەت قەرزاری ئیشە جوانەکانە، بەڵام زۆربەی ئەو ئیشانە ئەوانەن کە ئینسانەکان زۆریان لە خۆیان کردووە تا ئەنجامیان بدەن. ئەمە با جگە لەوەی وەک داوای لێبوردن بێت لەوانەی کە سەرەڕای قورسایی ڕوولەزیادی کارکردن و دابینکردنی پێداویستیەکانی ژیان و فەرامۆشکردنی ئەنقەست یان بێمەبەستی ماندووبونیان، ئامانجە جوانەکانی ئەم کەمپینە ئەرکێک ئەخاتە سەریان و بە شێوازێک لە شێوازەکانی ( زۆر لە خۆکردن) بەشداری لەم ئیشە جوانەدا دەکەن. هەروەها وەڵامێکی پێشوەختەش بێت بۆ هەموو ئەوانەی (نایانەوێت زۆر لە خۆیان بکەن!).

بەڕێزان!

بە هەموو پێوەرێک کتێبخانەی زانکۆ دەتوانێت ببێتە دەزگایەکی کاریگەر و ڕۆڵێکی ئیجابی ببینێت لە پرۆسەی زانستی و پەروەردەیی و جێخستنی بەها جوانەکاندا و هەر هەوڵدانێکی تایبەت بۆ پەرەپێدانی ئەم ناوەندە ڕاستەوخۆ و ناڕاستەوخۆ دەبێتە مایەی باشترکردنی کەشوهەوای فێربوون و فێرکردن و پەروەردە کردن. هەربەوپێیەش (هەرجۆرە زۆر لە خۆکردنێک) مان لە پێناو پەرەەپێدانیدا بە زایە  ناچێت و دەبێتە یەکێک لە ئیشە جوانەکانی مێژووی کارکردن و ژیانمان.

من لەم ماوەیەدا و دوای ئەوەی کە سەرنجم چووە سەر گرنگی و بایەخی ئەم ناوەندە گرنگە و لێرە و لەوێ لەگەڵ ژمارەیەک لە مامۆستایانی بەڕێزدا گفتوگۆمان لەسەر پەرەپێدانی کرد و سوودێکی زۆرم لە تێبینی و دڵسۆزی و ئامادەیی یان بینی، گەیشتم بەو دەرەنجامەی کە ڕاگەیاندنی کەمپینێک بۆ پەرەپێدانی کتێنخانەی زانکۆ دەتوانێت هەر لەو کاتەدا کە خۆی هەوڵێکە لە ڕاستای یەکخستنی نیەتە باشەکاندا، چەند ئامانجێکیش بپێکێت، لەوانە:

یەکەم: سەرنجڕاکێشانی مامۆستایان و خوێندکاران و لایەنە پەیوەندیدارەکان بۆ گرنگی و بایەخی کتێبخانە و ئەم جۆرە کەمپینانە.

 دوەم: هەڵسەنگاندنی وزە و پۆتێنشیاڵی پەرەپێدانی کتێبخانەکە.

سێیەم: چاندنی تۆوی هەست بە بەرپرسیارێتی کردن و (زۆر لە خۆ کردن) بۆ ئەنجامدانی ئەو ئیشانەی کە لە بەرژەوەندی گشتیدان.


مسوەدەی پلانی پەرەپێدانی کتێبخانەی ناوەندی زانکۆ

posted Jun 18, 2019, 7:56 AM by Aziz Muhemed Abdullah   [ updated Jun 18, 2019, 8:03 AM ]


بە کورتی: ئەم پلانە بەپێی پێناسە و ئامانجەکانی کتێبخانەیەکی تا ڕادەیەک نمونەیی و ئیمکاناتی ماددی و مرۆیی چاوەڕوانکراو داڕێژراوە.

·       پێناسەی کتێبخانە: دەزگایەکی زانستی ڕۆشنبیری پەروەردەیی کۆمەڵایەتی یە کە لەگەڵ پێداویستی و ئیمکاناتی سەردەم و ئامانجەکانی زانکۆ و کۆمەڵدا بگونجێت و ڕۆڵێکی کاریگەری هەبێت لە پێشکەوتن و ئاسانکاری و باشترکردنی ژیان و فێربوون و فێرکردن و پەروەردەکردندا.

·      ڕۆڵ و ئامانجەکانی کتێبخانە:

 ١. کۆکردنەوە و فەراهەمکردنی سەرچاوە پێویستەکانی بوارە زانستی و ڕۆشنبیری و پەروەردەیی و کۆمەڵایەتی یە جۆراوجۆرەکان لە ڕێگای (پەیداکردن، کڕین، پێشکەشکردن، گۆڕینەوە، ….)

٢. ڕێکخستنی سەرچاوەکان و ئاسانکاری دەسڕاگەیشتنی سەردانیکەران و گەڕاندنەوەیان بە شیوەیەک کە لەگەڵ ئاستی خزمەتگوزاری سەردەمدا بگونجێت. (دروستکردنی پەیجی کتێبخانە).

٣. گەیاندنی ئەو سەرچاوانە بە (خوێنەران و توێژەران) بە شێوازی جیاجیای وەک (خواستن و کۆپی و خزمەتگوزاری ترلە ڕێگای کەسانی شارەزا و ئیمکانات و پێداویستی هونەری و تەکنەلۆژی پێشکەوتوو) ەوە.

٤. ئاڵوگۆڕکردنی چاپەمەنی لەگەڵ زانکۆ و ناوەندە زانستی یەکانی ناوە و دەرەوەدا.

٥. ئاشناکردنی خوێندکاران و مامۆستایان بە خزمەتگوزاری یەکان.

٦. فەراهەمکردنی کەشوهەوای گونجاو و لەباری سەعی کردن و ئەنجامدانی توێژینەوە.

·      گرنگی و بایەخی کتێبخانە لە یەک ڕستەدا

دەوربینین لە بەدیهێنانی ئامانجەکانی زانکۆدا (بە سەرجەم کۆلیژ و بەشەکانیەوە).

·       سەرچاوە و جۆرەکانی سەرچاوە

- سەرچاوەی وانەکان

- سەرچاوەی توێژینەوە

- سەرچاوەی فێرکردن و ڕاهێنان و فێرکردنی فێربوون

·      شێوازەکانی سەرچاوە

-        هاردکۆپی (بیرۆکە و پلانی تایبەت دانراوە)

-        ئەلەکترۆنی (بیرۆکە و پلانی تایبەت دانراوە)

-        دەنگی (بیرۆکە و پلانی تایبەت دانراوە)

-        ڤیدیۆیی(بیرۆکە و پلانی تایبەت دانراوە)

·      میکانیزمی دەسکەوتنی سەرچاوەکان و کۆکردنەوەیان لە کتێبخانە

-  لە ڕێگای کۆلیژ و بەشەکانەوە (ئامادەکاری داتا کۆکردنەوە کراوە)

- لە ڕێگای هاوکاری ڕاستەوخۆی ناوەوە و دەرەوەی زانکۆ (بیرۆکە داڕێژراوە).

- لە ڕێگای هاوکاری ناڕاستەوخۆی ناوەوە و دەرەوەوە (بیرۆکەی تایبەت داڕێژراوە)

1-1 of 1